Ridders

 

Vier hant de ier aan uch vuur te stelle der 41e Ridder van

CV de Wespelle

 

 ridder2015
 
Raymond Jozef Hubertus Vlecken,

Oftuwel burgemeester Raymond Vlecken.

 

 

Ig wil ug vuurstelle an ozze 41 ste ridder.

Hei neave mig steed Raymond Jozef Hubertus Vlecken oftuwel ozze burgemeester Raymond Vlecken.En omdat ozze burgemeester aafgelope zamstig der stjadssleutel hat aafgegoave an der stjadsprins en dus vandaag nit in functie is als burgemeester maag ig vanaaf noe waal Raymond zaage.

Raymond is gebore op 29 augustus 1966 in Heele.

Dus wee snel rekent hat hee inne leeftied van 48 joar.

In 1991 is Raymond getrouwd mit Wilma Kisters.

Raymond en Wilma woene op de Boskriek 9 in Landgraaf same mit hun twie kinger Judith van 18 en Stijn van 13.

Omdat ver dit joar inne jonge ridder hant wil nit zage dat dee nieks gedoa hat.

Der Raymond is op dit moment wie der allemoal wit werkzaam bij de gemeente Landgraaf als burgemeester.

Boete zieng drukke baan als burgemeester deed hee nog inne ganse hoop anger dinger.

Hee is 20 joar advocaat gewea in Heele.

Hee is 8 joar vuurzitter gewea van de Winkbuule.

Hee is ummer aanwezig bij de Limburgse buutekampioenschappe in zieng functie.

De functie die hee doa bekleidt is als vuurzitter van de S.L.V.dat is de Samenwerkende Limburgse Vasteloavendsverenigingen van de 17 stjadsgemeentes van Limburg. Die functie als vuurzitter deed hee 7 joar.

En sinds september is der Raymond in Frankrijk oetgerope tot vice-president van de N.E.G.en dat is der Narrische Europaische Gemeinschaft.

Dus in de carnavalswereld hat hee gans get te vertelle in Europa.

Vuur diegene die ut nog nit weete,carnaval wead og in anger deele van europa gevierd,mar ut sjunste plekske is toch hei bij os in brokkelze.

En vuur dit alles hant vier Wespelle gemeent ozze burgemeester dit joar oet te rope tot ridder van de vergulde Wespel.